Waa Maxay array?

Sharaxaad

Variable caadi ah hal qiime ayuu qaadaa. Haddaad rabto inaad kaydiso saddex magac, saddex variable ayaad u baahan lahayd; toban magacna toban variable. Array ayaa arrintaas xallisa: hal variable, liis dhan. Sidaas darteed markaad rabto liiska koorsooyinka, posts-ka API-ga ka yimid ama messages-ka chat-ka, array ayaad isticmaashaa.

Index-ka ayaa ah qaybta ugu badan ee bilowga lagu qaldamo. Haddii array-du leeyahay shan qiime, index-yadu waa eber ilaa afar; mar walba hal ayaa laga jaraa tirada guud. Loop ayaa lagu dul maraa array-ga, item kastana wax baa lagu qabtaa. JavaScript wuxuu leeyahay methods badan oo shaqada fududeeya: push wuxuu ku darayaa, map mid walba wuu beddelaa, filter wuxuu soo saaraa kuwa shuruudda buuxiya, find mid keliya ayuu soo qabtaa. Python-ka isla fikradda waxaa loo yaqaan list. Luqadaha logic-kooda waa isku mid, syntax-ka ayaa kala duwan.

Tusaale

Copy
const koorsooyin = ["html", "css", "javascript"];
console.log(koorsooyin[1]); // css
koorsooyin.push("react");

Index-ka kowaad waa "css", maxaa yeelay "html" wuxuu ku fadhiyaa eber. push ayaa dhamaadka ku darsaday "react", array-guna hadda afar ayuu qabaa.

Halkee ayaad Dugsiiye ku baranaysaa?

Arrays, objects, loops iyo methods-ka oo dhan: JavaScript Masterclass: ES6+, DOM & Async. Dhinaca Python-ka, lists-ka iyo data structures-ka kale waxaa lagu sharxay koorsada Python-ka bilaashka ah.