Waa Maxay debugging?

Sharaxaad

Luqadaha interpreter-ka isticmaala, sida JavaScript iyo Python, code-ka sadar sadar ayaa loo fuliyaa. Sadarka koowaad waa la fuliyaa, kan labaadna waa la fuliyaa, ilaa la gaaro sadarka ciladda leh. Markaas ayuu kuu sheegayaa halka ciladdu ka jirto, taasna debugging-ka way fududaysaa. Luqadaha compiler-ka isticmaala, sida C++, file-ka oo dhan ayaa marka hore la eegaa, hal cilad haddii la helona waxba lama fulinayo.

Qalabka aasaasiga ah waa saddex. Kow, console.log ama print: qiimaha variable-ka ayaad daabacdaa si aad u aragto halka wax ka lumeen. Laba, debugger-ka editor-ka: breakpoint ayaad dhigtaa, barnaamijkana waad joojisaa oo sadar sadar u socodsiisaa. Saddex, fariinta ciladda: akhri, ha ka boodin. Inta badan waxay kuu sheegaysaa file-ka iyo sadarka.

Habka ugu wanaagsan waa isku soo yaraynta. Cilad meel kasta ha ka raadin: hal qayb dami oo tijaabi, kadib mid kale, ilaa aad meesha go'an gaarto. Marka aad hesho, isweydii sababta ay u dhacday si aanay dib u soo noqon.

Tusaale

Copy
console.log("user:", user);

Sadarkan wuxuu kuu sheegayaa in user-ku jiro iyo in kale intaadan isticmaalin. Cilad la yiraahdo "cannot read properties of undefined" inta badan waxay ka timaaddaa in shay aad filaysay uusan jirin.

Halkee ayaad Dugsiiye ku baranaysaa?

Ciladaha JavaScript, async iyo DOM-ka: JavaScript Masterclass. Interpreter iyo compiler oo si faahfaahsan loo sharxay: Ku Baro Python Af-Soomaali.